عظم الله اجرك ساره ماتت

04-16-2009, 12:24 PM

اذي قصه حقيقه واقعيه صارت معي انا >>> الريم اللعوب الله اجرك ساره ماتت

أنا بنت احب الحياة احب الضحك والوناسه والفله كانت عندي صديقه تعرفت عليها بالثانوي كنا دايم مع بعض صديقتي الروح بالروح وتخرجنا ولما تخرجنا اتفقنا ندخل معهد وياليتني مادخلته المهم بالمعهد تعرفت أنا وياها على شلة بنات وناسه ... وضحك ... وخفه دم ... كنا شله مره حلوه ..
وأنا بالبيت جاني اتصال الو.. هلا ساره .. هلا فيكي اسمعي في رقم يتصل على البيت ويقول لامي أشياء خلتها تشك فيني ... استغربت مين بتكون .. شوي قالت لي يمكن إنتي !!!!!
عصبت بقوه .. انتي تعرفيني وتعرفين طبعي أنا وياكي عشرة عمر كيف تشكين فيني؟ تعرفين إن الحركات ذي مااعرفها ... ماصدقتني .. وبعدها صارت علاقتنا متوترة !!
مع الأيام اتصلت وحده على رقم بيتنا وكلمت أمي وقالت لها نفس الكلام اللي قالته لام ساره... كلمت ساره وقلت لها تصدقين إن اللي صار معك صار معي ... كذاااااااااااااابه هذا كان ردها قلت وربي يابنت مين تتوقعي تسوي فينا كذا ؟!..... ماادري !
اذي قصه حقيقه واقعيه صارت معي انا >>> الريم اللعوب الله اجرك ساره ماتت

أنا بنت احب الحياة احب الضحك والوناسه والفله كانت عندي صديقه تعرفت عليها بالثانوي كنا دايم مع بعض صديقتي الروح بالروح وتخرجنا ولما تخرجنا اتفقنا ندخل معهد وياليتني مادخلته المهم بالمعهد تعرفت أنا وياها على شلة بنات وناسه ... وضحك ... وخفه دم ... كنا شله مره حلوه ..
وأنا بالبيت جاني اتصال الو.. هلا ساره .. هلا فيكي اسمعي في رقم يتصل على البيت ويقول لامي أشياء خلتها تشك فيني ... استغربت مين بتكون .. شوي قالت لي يمكن إنتي !!!!!
عصبت بقوه .. انتي تعرفيني وتعرفين طبعي أنا وياكي عشرة عمر كيف تشكين فيني؟ تعرفين إن الحركات ذي مااعرفها ... ماصدقتني .. وبعدها صارت علاقتنا متوترة !!
مع الأيام اتصلت وحده على رقم بيتنا وكلمت أمي وقالت لها نفس الكلام اللي قالته لام ساره... كلمت ساره وقلت لها تصدقين إن اللي صار معك صار معي ... كذاااااااااااااابه هذا كان ردها قلت وربي يابنت مين تتوقعي تسوي فينا كذا ؟!..... ماادري !
باليوم الثاني كنت جالسه مع البنات وقاعدين يتكلموا عنها وشوي قالوا لي ترى ساره دايم تتكلم عنك من وراكي وتقول انك كذابة وجلسوا يتكلموا عنها حتى زرعوا الحقد بقلبي رجعت البيت وأنا دمي فاير مقهورة صكيت باب غرفتي ومسكت التليفون << ساره جاري الاتصال .. وقلت لها :- اسمعي ياحقيره وربي لو فكرت مجرد تفكير انك تهدمين حياتي ماتلومي إلا نفسك هذا جزاتي وثقت فيكي واعتبرتك من اعز صديقاتي أنا اللي أدافع عنك إذا احد أتكلم وجاب طارريك بسوء أنا أصلا كنت احزن عليك وعلى حالك مومعقول ..آخرتها اكتشف انك انتي اللي تتكلمي عني وتشوهي سمعتي قدام صديقاتي شوفي انتي إنسانه محد يسال عنك لااب ولا أخ أنا عندي خمس أخوان وأهل ارفع راسي فيهم كل واحد فيهم يخاف علي حتى من الهوا الطاير أصلي شريف واشرف من الشرف لا إنتي ولا عشره من أشكالك يوطون راسي ويتبلون علي شكيتي فيني الله يسامحك ويسامحني وروحي بحال سبيلك بس الزمي حدودك عشان ماتندمي طول عمرك.. صكيت السماعة! >>
بعدها تهاوشنا بقوه وتزاعلنا وصرت ضدها بكل شي الين كرهت ساره المعهد وصارت ماتجيه كانت تتصل علي باليوم أكثر من عشر مرات وأنا مطنشتها عالا خير انقطعت عني أخبارها صرت مااحب طاري اسمها ومااحب احد يذكرني فيها .

04-16-2009, 12:28 PM

شكراً جزيلاً لموضوعك يا الريم اللعوب...

يعطيك العافيه ...

04-16-2009, 09:29 PM

الله يرحمها ويدخلها فسيح جنااااته

يسلمووووووووو على القصه الريم

لا تحرمينا من جديدك

تقبلي مروري

تحياتي لكِ

04-17-2009, 09:58 AM

بكمل القصصصه لعيونك لبيييييه

تسلمييييييييييين عالمرووووو يالبى قلبك

04-17-2009, 10:03 AM

بعد ماتهاوشت انا وياها وانقطعت عني اخبارها

مره جيت المعهد إلا البنات متجمعات ... وش فيه بنات ؟! قالولي إنها تتصل عليهم وأزعجتهم كانت تقولهم انتو وش قلتو لخويتي ؟؟1 ليه قلبت علي ؟! في وحده من الشلة تكره ساره كره العمى !! وفجاه قالت ..! أنا اعرف رقم بيتها ورقم أمها واعرف بيتها لأني كنت أوصلها أحيانا >> طيب والمطلوب << وربي لاسوي فيها مصيبة !!!!!!! أنا صعقت انبهرت كان احد عطاني كف على وجهي من قوته حسيت عضلات وجهي كلها انشلت حسيت بسكين تنغرز بين ضلوع صدري وتشلع قلبي من مكانه سكين خلتني أعيش بعالم لحالي عالم مافيه قلب رحت بعالم ثاني عالم حقير عالم الناس فيه تآكل لحم بعضهم ! صحيح إني انصدمت فيها بس ماعمري فكرت بالتفكير هذا يالطيف وش قصدها مصيبة مره وحده وش سوت لك البنت عشان تسوي لها مصيبة وتفضحيها وتخدشي عفتها؟؟! بنات الله يسامحها وخلاص البنت راحت بحال سبيلها خلوها بحالها البنات كلهم صاروا معاها أنا صراحة مالي ومال المواضيع ذي بالمرة قلت طلعوني من السالفة تبون تسوون في البنت شي مالي دخل فيكم سووه بعيد عني .. وبعدها صارت علاقتي معهم سطحيه < يحق لي أخاف من الأشكال ذي صراحة > في يوم عادي رن تليفون بيتنا وكنت بغرفتي أسوي مشروع عمل طلبته مننا الاستاذه جاتني أمي .. يابنتي ساره تبي تكلمك بالتلفون أنا رفعت صوتي وقلت ماابي اكلمها بعد كذا ولا تتصل علي .. رجعت لي أمي ... قالت ساره قالت لي ياخاله بقول كلمتين وصليه لها الله يسامحها ظلمتني .. قلت طيب ورجعت لجهازي أكمل شغلي مرت أيام ونسيت شي اسمه ساره محييتها من ذكرياتي...!
في ليله كنت نايمه فيها إلا صحتني نغمه جوالي وكنت نعسانة مو قادرة افتح عيوني أزعجني وشفت الرقم إلا رقم غريب ورديت أول مره أرد على أرقام غريبة ماادري وش اللي خلاني أرد على الرقم هذا ...الو .. انتي فلانة ؟!... هلا مين معي .... عظم الله أجرك ساره ماتت ... أنا ماصدقت رديت عليها رد بقمة البرود ... طيب يلا بكمل نومي .. من جد أكلمك ... قلت لها اسمعي يابنت الناس لاتستهبلين معي بالمواضيع هاذي سامعه ... شوفي كاتبين عنها بجريده عكاظ أبوها طعنها عظم الله أجرك و صكت السماعة ..... كلامها مادخل بعقلي حطيت راسي بكمل نومي.. >>قلت ذي ركه تسويها تبيني اكلمها <<ماقدرت أنام جاني خوف رهيب خوف يكون الكلام صدق خوف خلاني أقوم اركض عند أمي .... أمي ... أمي .. في بنت اتصلت علي تقولي ساره طعنها أبوها وماتت ... طالعت فيني وهي مستغربه ... يابنتي وش هذا المزح .... وربي قالت كذا أخذت أمي جوالي واتصلت عالرقم وقعدت تخاصمها وش المزح هذا احد يمزح كذا تبين تسوين ببنتي شي ... قطعت كلامها وقالت ياخاله الكلام من جد وشوفي جريده عكاظ أمي طالعت فيني بدهشة وبعدها خفت خوف مو طبيعي ...............الجريدة ...... وقعدت اركض عند اخوي ويدي على قلبي والدموع بعيوني لما شافني خاف وش فيكي وش صاير يابنت قعدت اصرخ ... جيب لي جريده عكاظ جيبها لي الحين كانت الساعة وحده من الليل .. من وين أجيب لك جريده الحين ... ماادري جيبها طلعها من تحت الأرض .. يابنت وش صاير .. وحده اتصلت علي قالت لي خويتك ماتت وكاتبين الخبر بالجريدة روح جيبها أبي اتاكد اخوي لبس ثوبه وطلع وخلاني أتوه بضعفي وبخوفي قعدت استناه على نار .. جاء ... ومعه الجريدة !! مانطق بحرف واحد أنا خفت من ملامح وجهه كأنها تقولي الكلام صدق أخذت الجريدة وقعدت اقلب بصفحاتها مثل المجنونة من غير وعي ... لا لا كذب مو معقول ... واقلب صفحات الجريدة صفحه ورا صفحه ...حتى وصلت للصفحة بس قريت اسمها ....... حسيت بانهيار فظيع رجولي مو قادرة تشيلني انهرت أسبوع كامل بالسرير مو قادرة أتحرك بكيت ... مو دموع بكيت دم ...حطيت الجريدة جنبي وكل ماتعبت عيوني وغفيت افتحها احس إني بحلم بكابوس ... وامسك الجريدة ولما أقرا الخبر ارجع من أول وجديد انهار .!!!
تعبت من البكي بكيت الين نشفت دموعي وذابت عيوني بكى عليها قلبي قبل عيني كرهت نفسي وكرهت الدنيا الوسخة ذي مالي خلق لأحد ولا لي خلق حتى لنفسي ...قعدت في حالي ولحالي حالتي كانت مره صعبه تعبت نفسيتي .. ماابي أتحرك من السرير وماابي أشوف احد تعبت من التفكير .. تفكير اثر على خلايا دماغي وسبب لي صداع نصفي !! صداع خلاني احس إني تايه بالدنيا ذي !!
(( مين اللي كانت تتصل على بيتي وبيتها ؟؟! مين الكاذب فينا ومين الصادق ؟؟! الكلام اللي قالوه عنها صادقين فيه ؟؟! معقولة كانوا يقولوا لها نفس الكلام اللي قالوه لي بس حطوا اسمي بدل اسمها ؟؟! ليه وش بيستفيدون ..كره .. ولا حقد ... مين الظالم ومين المظلوم ؟؟! مااعرف مااعرف وربي تعبت ))
كل ماجاتني أمي وشافتني تنقهر من الحالة اللي أنا فيها .. تصارخ ..خلاص يابنتي اذكري ربك البنت ماتت الله يرحمها ... ااااااااه يايمه لاتقولي كذا ياليت ربي اخذ روحي بدل روحها ياليت يعاقبني أنا ... حررررام الناس الطيبة الطاهرة تختفي من الدنيا الخبيثة ذي .. اااااه يايمه وش القساوه ذي من وين جبتها وش صاير فيني كل مين عرفني بطيبه قلبي ... قلبي ابيض ... وش البقعة السودا اللي شوهت بياضه الناصع من وين جات ماعمري حقدت على احد ولا اعرف اكره ومن طبعي ادع الخلق للخالق مااحب انتقد احد ولا اعترض على احد... ......................... آاااااااااخ بس من تأثير الصديقات صدقوني !! يقدرون يغيرون حتى مذهب الوحده. .. ومن جد ......... (الصاحب ساحب )!
الساعة تسعه الصبح فتحت عيوني وطالعت بالمرايه .. ماعرفت شكلي .. كنت هزييييييييله ...وجهي شاحب وعيوني ذبلانه ... قعدت اتامل بوجهي وكان في صوت يقولي ... حرام الوجه الحسن هذا يبكي حرام العيون ذي تتشوه بالدموع ... الى متى وانتي كذا؟.
..غمضت عيوني ونزلت مني دمعه وأول مافتحتها جا على بالي مدرستي الثانوية معلمتي معلمه الدين يالله وش كثر أحبها اعتبرها مثلي الأعلى تعجبني ويعجبني أسلوبها حنيييييييييييت وما لقيت نفسي إلا أنا عندها ولما شافتني ضمتني حيييييييييييييييل الين حسيت روحي دخلت بروحها قعدت ابكي على صدرها تقطعت عيوني من البكي ...جلستني جنبها ورفعت راسي حطت يدها على شعري اللي كان يغطي وجهي رفعته عني ....مسحت دموعي وطالعت فيني وقالت .. ... وش فيكي يابنتي ؟ صررخت ... ساره ماتت ... ساره ماتت ...خلتني أهدى ومسحت دموعي وشربتني مويه وهمست بإذني بكلمات ... كلمات ماراح أنساها ..كلمات دخلت بجوف القلب وخلتني اصحى ...> احــــبـــك ياأروع معلمة ............ وكل كلمه قلتيها لي دخلت قلبي وتفكيري وما راح أنساها أبدا كل ماضاقت فيني الدنيا < ................و.بعد ماحسيت إني صحيت من الفاجعة
رجعت المعهد بعد مار جعت لي قوتي رجعت و أشوف البنات متجمعين ويتكلمون عنها .!!! ويسبون ويشتمون فيها ؟؟؟؟؟؟ ياعاااااااااااااالم خلاص البنت ماتت مايجوز عليها إلا الرحمة خافوا ربكم يالطيييييييييييف زمن يخوف ماتعرف فيها صديقك من عدوك . كييييف كييف نسيتو ذيك الأيام الحلوة ضحكنا ومزحنا فتحنا قلوبنا لبعض أموت واعرف كيف الوحدة فيكم تنام وهي حاقدة على وحده ؟؟؟! الزمن هذا مافيييييييييييه أمان خلاص يالله ليه كذا البنات صايرين كل وحده أخبث من الثانية حقودات مايعرفون شي اسمه تسامح الوحدة بس تفكر كيف تنتقم حتى لو كان على حساب شرفها !!! وين الانوثه .. وين الرقة والنعومة .. وين البراءة والعفة والحياء والقلب الطاهر يالجنس اللطيف الله اكبر وين الدين الصلاة ياناس مايعرفوها
اااااااخ ياليتها ترجع وارد على مكالماتها واسمع صوتها الطفولي ياليتها ترجع وتسامحني إذا جا يوم جرحتها أو ظلمتها يالييييييييييتني سمعتها وفهمت منها كل اللي صار قبل لااحكم عليها ياليتها ترجع وتجاوب على أسئلتي !!! الله يلعن الشيطان اللي دخل بيننا ذولا مو بنات ذولا شياطين !!!!
الحمد لله ازمه وعدت ومر تقريبا شهر عالسالفه كنت نايمه وحلمت حلم أبي أقولكم اللي أتذكره من الحلم :
>> الحلم كان بمدرسة أمي وكنت نازله من الدرج وأنا نازله لمحت ساره وكانت مررررره مستعجلة ومعاها أوراق كأنها أوراق تسجيل أو طلب موافقة والله اعلم... صررخت... ساه ... ساره .... طالعت فيني هلا ... قعدت أصارخ مو مصدقه يابنت وش صار فيكي انتي حيه .. قطعت كلامي وقالت أنا مره مستعجلة وكملت طريقها لحقت وراها وقلت ساره رجعت طالعت فيني .... بعدها قلت لها ترى ماسامحتك على اللي سويتييييه فيني؟؟؟؟؟؟!!! قالت طيب بكلمك بعدين وراحت .. بعدها رحت عند أمي وقعدت أقولها شفت ساره تراها مو ميتة حيه يمكن خايفه من الناس أو من احد ماتبي احد يدري عنها يمكن هربت !!....<<
الحلم هذا ذكرني بكل لحظه حزن عشتها ذكرني بذيك الأيام ومرارتها .... ذكرني باشيييييياء ماكان ودي أتذكرها.... وجه ساره و الأيام اللي قعدناها مع بعض .. المقالب ... وضحكتها ... وكل لحظه عشتها معاها مرت مثل الشريط قدامي ... رجعت ابكي ... وابكي ... توضيت وصليت ركعتين وقعدت ادعي لها بالرحمة ... يارب سسسسسسسامحني إذا ظلمتها وأنا مسامحتها إذا ظلمتني ومافي بقلبي عليها يارب ارحمها واغفر لها وسكنها بجنات النعيم ...

عرفتها بالثانوية اسمها ساره أبوها طلق أمها لما كان عمرها خمس سنيين بحياتها ماجابت طاري أبوها وما تحب تتكلم عنه بصراحة إنا كل اللي عرفته عن أبوها إن بحييييييييياته ماسال عنها ولا يدري هي حيه ولاميته تزوج وحده وجاب منها سسسسسبع عيال مافيييهم الواحد اللي سال عن أخته !!!! كانت تحسدني على الحياة اللي أنا عايشتها .. تحسدني على أبوي وعلى إخواني باعتبار إني البنت الوحيدة بين خمس أولاد . ياحظك ياليت عندي أبو مثل ابوكي ياليت أخواني يسالوا عني ... ياحظك أمك مره تحبك ... ياحظك كل مين يدلعك ويجبر بخاطرك ....تدرين أنا لازعلت ولا انكسر خاطري ارضي نفسي بنفسي !!!
اذكر مره قالت لي انتي كل شي تبيه يجيكي ؟! قلت إيه تحسبيني مثلك !!!>>>>اااه ياقلبي كيف كنت أقولها كذا ...
أمها تزوجت واحد كل يوم تشتكي منه تكررررهه جاب لها المرض كل يوم مشاكل ومضاربه طفشت من حياتها كانت تقولي ودي انتحر .. ساعات أفكر اهرب من البيت.
طلعت من البيت وسكنت مع جدتها (أم أمها ) بحكم الظروف اللي حواليها كرهت شي اسمه رجال البنت جميله عفيفة طاهرة وعبايه عالراس ملتزمة الصلاة ماتتركها كانت بالثانوي تستأذن عشان تصلي كل فتره وفترة يجوها خطاب تعرفوا وش كانت تقولي ؟! مسسستحيل أتزوج الرجال كلهم زي بعض... كلهم مثل أبوي وزوج أمي !!
الفترة اللي تركت فيه المعهد قدمت عالجامعه كانت ذكيه نسبتها العالية ساعدتها إنها تدخل الطب بيوم اتصل عليها أبوها وقالها أبي أشوفك وين بيتك >> الله ياخذه مايعرف حتى بيييييتها وهي لها سنيييين ساكنه فيه << جا وقال أبي أتعشى مع بنتي جاب لها كبده وقالت لا ماابي مااحبها قعد يقولها كلي .. كلي .. إلا شوي دخل يده بجيبه وطلع سكين !!!!
طعن يدها طعنها طعنها وهي تصارخ تبي احد يساعدها قعد يطعن ويطعن الين نحرها نحر !! وسال دمها بكل مكان وجدتها وحده كبيره مقعده ماتقدر تتحرك من فظاعة المنظر اللي شافته جاتها سكته قلبيه ماتت الجدة وماتت ساره !!
أبوها طلع مدمن مخدرات ......؟؟؟ رجااااااال متزوج عنده سبع عيال ومدمن مخدررررات؟؟ كان توه طالع من السجن وأول ماطلع كان كل تفكيره يروح لبنته يبي يمحي وجودها بالحياة إنسان مجرررد من الاحاسييس دمررررر حياته ويبي يدمر حياه بنته اعووووووووذ بالله صراحة مااستعبد إن في رجال مثل كذا لأننا بزمن فظيييييييييييع !!

(( إلى الآن مااعرف مين البنت اللي كانت تتصل على البيت وما اعرف مين الظالم ومين المظلوم ))؟؟!

04-17-2009, 10:25 AM

لا حول ولا قوه الا بالله

وهذي لقصه قريت عنها بالمجله

الله يرحمهاا

يعطيك العافيه

04-17-2009, 02:21 PM

مشكور عالمرور يكفيني احساسي

04-17-2009, 06:53 PM

لآحــول ولآ قوه الا بالله

هــآذي نهايه المخــدرات

الريــم اللعوب الف شكــر ع الموضوع

مجنونهـــــــــــــــــا

04-20-2009, 03:02 AM

الله يرحمها ويغفرلها ويسكنها فسيح جناته

يسلمووووو ع الموضوع

تقبلي مروري غزوله

06-02-2009, 07:48 AM

الله يرحمها ويسكنها فسيح جناته

مسكينه البنت هذي مالها حظ اعتقد انها مظلومه لانها حاولت تكلمج اكثر من مره وانتي ماعطيتيها مجال

والحذر الحذر من رفاق السووء

بصراحه القصه وايد حزينه ومؤثره

يسلموووووووو اختي تقبلي مروري

عظم الله اجرك ساره ماتت

مملكة القصص و الروايات

للمزيد من مواضيعي

اعلاناتي