ياليت تدخلوووووووووون للأهميه

12-03-2011, 03:11 AM

السلام عليكم ورحمة الله وبركاته

أتمنى من الإدارة عدم نقل الموضوع لأي قسم
طلبا وليس أمرا لأني أبي احد يساعدني

إخواني وأخواتي
ياليت القى منكم حل لمشكلتي
أنا من حوالي شهر تقريبا طلبت طلبيه من تاجره هنا من تاجرات الرياض
طبعا انا بطبعي أثق في الكل على أساس الناس ثقه وطلبت الطلب وحولت لها المبلغ
وقالت لي ان شاء الله بكره زوجي بيشحن الطلب
كلمتها بعد ثلاث أيام قالت زوجها انشغل وما قدر يشحنه بتكلم مندوب قلت لها أوكي
بعد اسبوع قالت انها شحنت الطلب عن طريق مندوب
وكل يوم اكلم زاجل يقولون ماوصل شي
كلمت زاجل الرياض قالو ماوصلني طلب بإسمك
كلمتها ماترد كنت ابي منها رقم البوليصه ماكانت ترد علي
بعد كم يوم دقت تقول انها تدق على المندوب مايرد عليها
قالت لي عطيني رقم حسابك وبحول لك المبلغ
وارسلته لها وما حولت
صرت ادق عليها ماترد ارسل رسايل ماترد
وصار لي شهر على هالسالفه
ارسلت لي مسج مدري هي اللي ارسلته والا زوجها يقول الأهل مو بالبيت مسافرين اذا رجعو خليتهم يكلمونكم ولا شفت احد دق علي
رسلو لي رساله خلي زوجك يكلمنا
كلمهم وقالو له السبت بتنشحن الأغراض
المفروض السبت اللي طاف
على اساس انهم شحنو الطلب وللحين انتظر بريق أمل منهم
مره ارسلت لي رساله قالت ان عندها ظروف وما قدرت تشحن ومره المندوب عطته الأغراض وما شحنهم
طيب لو عندك ظروف ارسلي لي مسج مو شرط تكلمني والله لو ارسلت لي مسج بعذرها وبقول انها مشغوله
بس اني ادق عليها وما ترد وارسل رسايل وتطنشهم قويه
(انا والله مارتاح الا اذا وصلت الطلبات لأصحابها وأضل اتصل عليهم واسألهم هل وصلت اغراضهم او لا)
وناس بكل برود ماعندها احترام للمواعيد وما تقدر مو قد هالشغله لاتشتغلونها وما له داعي هاللف والدوران
طولت السالفه عليكم
بس من جد من جد ابي منكم حل وش اسوي
انا بإمكاني افضحها هنا بالمنتدى وفي كل مكان
بس مو من طبعي كذا
بصبر لين السبت الجاي وبشوف آخرتها مع كلامهم انهم شحنو
بس قلت يمكن القى احد يساعدني من اهل الرياض يكلمهم يآخذ الاغراض منهم ويشحنهم لي على زاجل واعطيه اتعابه
تكفون طالبتكم

انا سكت طول هالفتره بناء على طلب الإخوان
بس الأمر زاد عن حده
والله صار لي اسبوعين اكلم زاجل الرياض
وكل يوم اعطيهم رقم البوليصه مالقو الطلب
قالو بيبحثون يمكن وصل لمنطقه ثانيه غلط
وللحين على هالحال
كل ماادق على التاجره وزوجها مايردون
ياليت أحد من أهل الرياض يقدر يروح زاجل ويتأكد لي هل طلبي انشحن من عندهم او لا
يمكن لو راح لهم رجال يهتمون أكثر
المشكله زوجي تعب معي وهو يكلمهم والحين هو مشغول
احد يقدر يخدمني هالخدمه
والله ماراح انسى هالمعروف
ولو اعرف انهم ماشحنو
راح افضحهم هنا حتى ماتتعرض وحده من الأخوات لنفس مصيري

حسبي الله ونعم الوكيل
حسبي الله ونعم الوكيل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطلوب للأهميه	ساعه	اسواق ستي	0	11-22-2011 05:36 AM
ابي مشووووووووووووووورتكم للأهميه	ساعه	اسواق ستي	0	11-19-2011 01:31 AM
بنات البلاك بيري الدخول للأهميه ..	انمي	حصري	0	04-10-2011 08:30 AM
ذيب السرايا .. ياذيييييييييب ادخل هنا بليييييز للأهميه	همسة شوق	مملكة السحالي والتماسيح	17	10-17-2007 07:55 AM
ضيفنا العزيز تاز تفضل هنا للأهميه	همسة شوق	مملكة السحالي والتماسيح	6	10-15-2007 02:57 AM

اعلاناتي

ياليت تدخلوووووووووون للأهميه

اسواق ستي

للمزيد من مواضيعي