حكم ضميرك والعن بليس وارميه ... العمر واحد واخر الروح صيحـــه

جاك الكلام وزبدة الهرج ياهيـــه
....................... من صاحبن لك واعتبرها نصيحه
زبدة خفوقن باح سده وخافيـــــه
...................... ينقى جزيل القاف ويترك قبيحه
جوهر قصيد مرتبه كل قوافيــــه
..................... بجملتن يصوغها لك صريحـــــه
اقضب وصاته واغتنم مابدى فيه
.................... واترك هزيل القول وافهم فصيحه
ماهو صحيح اللي تراك انت هاقيه
....................... سوالفك هذي تراها فضيحــــــه
لاتحسب انك مالك ريال واجنيــــه
...................... دنياك لو تعطي تراها شحيحـــــه
من يشتري خوتك ملزوم تبديــــه
....................... واللي تردى ياعسى الله يزيحـــــه
داب الرمل ماطاب منهو يخاويـــه
........................ لو بدل بجلده وغير فحيحــــــــه
ترى الرجل من رزته قعل اياديـــه
........................ ماهو بملباسه ولا زين ريحـــــه
ان طاب غرسه طيب الله مجانيــه
....................... تلقاه مع من يستحق المديحـــــــه
الناس تعرف من تردت هقاويـــه
........................ وتبخص تشداد القاع من نبت شيحه
ترى رفيقك واجب انك تداريــــه
......................... ويحوف كفك دايم اللي يريحــــــه
لو تدعي بالقول وتقول اخليـــه
......................... ماتاسعك دنياك لو هي فسيحـــه
قد قالها مرشد وبين معانيــــه
........................ رجل بلا ربعن سواة الذبيحــــه
لا تحسبنه صايب اللي تسويــــه
.......................... باجر بتندم لا بدى فوح ريحــــه
حكم ضميرك والعن بليس وارميه
............................. العمر واحد واخر الروح صيحـــه