يآشينهآ ضيقة الشخص الكتوم ,, ممكن دقآيق من وقتكم ,,

ليه وكيف ومتى مآآآ أدري عن أي شي المهم رفضو فكرة الزوآج , يمه مستحيل اللي تقولينه هذولآ أهلي طبعآ هالموضوع أثررر فيني كثير مو عشآنهم رفضو عشآن الأمور اللي صآرت بعد هالكلآم كله ,,

من بعد هالمشكلة أبوي قآم وتكلم الحلآل ومآ الحلآل نبيه يتوزع على العآئلة بالعدل ويفرغ لكل وآحد وبدأت الحرب بين أبوي وبين هالجدهـ وإلى اليوم أبوي مآيكلمهم ولا هم يكلمون أبوي ,,

أنا والله مع عيآل عمي أطلع معهم أسلم عليهم اذا حصلتهم في منآسبآت أتوآصل معهم برسآئل وعمآني أسلم عليهم وآحد وآحد مستحيل أقطع صلة رحمي عشآن أمور دنيآ ,,

وبدأت رحلة التهميش لأبوي وإنقطعنآ عنهم لأكثر من 3 سنوآت وإلى يومكم نتوآصل بس عن طريق الجوآل ,,

أنا لمآ شفت الوضع كذآ ومتأزم ويزيد الوآحد قهر قلت مآلي حل إلآ أرجع لمكآن اللي إنولدت فيه وأشوف حيآتي بعيد عن مشآكل تآفهه عشآن شي يخجل الوآحد يتكلم فيه مآيدرون إن نهآيتهم كلهم قبر ولا ينفعهم قطع طريق أحد ولا الوقوف في مصلحة أحد وربي بيحآسبهم على كل كبيرة وصغيرة

رجعت للمكآن اللي إنولدت فيه والحمد لله إرتحت رآحه غير طبيعيه مآفي حقد ولا كره ولآ نفآق ولآ شي كل وآحد عآيش حيآته ولا عليه في أحد ,,

طبعآ كلمت أختي وقلت لهآ دآم أموري ضبطت الحين دوري لي على بنت حلآل من هنآ وقآلت لي أبشر هي سآكنة بنفس المدينة اللي أنآ إنولدت فيهآ ,, جلست فترة وجآءت لي وقآلت حصلت لك وحده قمة في الأخلاق ومحترمه وحآفظة 23 جزء من القرآءن وتشتغل في دآر تحفيظ للقرآءن بس مطلقة ومو من قبيلتنآ من قبيلة في نجد , قلت لهآ عآدي بس ليه تطلقت ؟
قآلت والله اللي سألتهآ حلفت بالله إن سبب طلآقهآ زوجوهآ أهلهآ لوآحد يقرب لهآ بالقوة وجلسو مع بعض فترة وتطلقو أختي حبت تستفسر أكثر وفعلآ كل أهل الحي يعرفون بسآلفة زوآجهآ ,,

قلت لهآ خلآص إنتي حرمه كلمي أمي وقولي لهآ عن الموضوع كآمل قآلت أبشر ,,

كلمت أمي في البدآية رفضت رفض قآطع لآ وكيف ومن وين عرفهآ وليه مطلقة وليه وليه وليه المهم بعد محآولآت من أختي وآفقت أمي على أنهآ تكلم أبوي ,,

كلمت أبوي ويآليتهآ مآكلمته ,,
قآل لآهو ولدي ولا أنآ أبوهـ لو يتزوجهآ ليه وش نآقصه ولدي يروح يتزوج من برى جمآعته لآ ومطلقة بعد وجلس يسب في الآدميه ولا يعرف عنهآ شي ,,

والله البنت مآينقصهآ شي ومن قبيلة ونعم فيهآ من أهل نجد وتعلقت فيهآ من كلآم أختي إنهآ تطلقت مظلومه ولمآ قآلت إنهآ حآفظة 23 جزء من القرآءن وكمآن تدرس قرآءن في دآر تحفيظ يعني مثل هذي وش ينقصهآ .؟

بس لمآ وصلتني رسآلة من أختي اللي في الديرة اليوم العصر فيهآ كلآم كأنهآ رمتني برصآصة الرحمة يعني خلآص أنهت علي ,,

فوضت أمري لله ومآ قلت إلا حسبي الله ونعم الوكيل مو دعآء على أحد بس كذآ طلعت مني لآشعوريآ ,,

بالأولى مشآكل عآئلية وفشل كل شي ,,
بالثآنيه قآلو مآنزوج ولدنآ من برى الجمآعة ,,

قسم بالله أفكر أتزوج مسيآر ولا زوآج عآدي وأعيش حيآتي بدون وجع رآس وعآدآت سقيمه متخلفه ,,

المشكلة بالأولى جمعت لي مبلغ وقدرة عشآن أقدر أتزوج وأفتح بيت ولمآ فشل كل شي ضيعت فلوسي كلهآ لأني خلآص حسيت كل شي بنيته هدموهـ بيديهم ,,
وفي الثآنية بدأت أجمع من كم شهر ولمآ جآني خبر اليوم شل تفكيري وعجزت أفكر وكمآن نزلت موضوع إني أبحث عن تمويل ولا قرض شخصي من أي بنك والله عشآن هالموضوع لكن ربي مآكتب ,,