طريقتي في عمل الحمام المغربي

طريقتي في عمل الحمام المغربي

السلام عليكم ورحمة الله وبركاته,,,



حبيت قبل مااكتب طريقتي في عمل الحمام المغربي أن اشكركم على الخلطات اللي استفدت منها وقلت لازم افيدكم نفس مافتوني...


ومن باب ( حب لأخيك مثل ماتحبه لنفسك)


راح اكتبلكم الطريقة

المكونات عباره عن (صابون مغربي +صابونة الطاووس+ليمون +حنة جسم +ورد +خزامى +طين مغربي +عكر الفاسي+ ليفة مغربية+ سنفرة كاب +لوشن فيتامين سي) وكلهم تلقونهم عند اي عطار

اولا :- تاخذون ملعقة كبيرة من الورد + ملعقة كبيره من الخزامى وتصبون عليهم 4 قلاصات ماي مغلي وتتركونهم ربع ساعة ومن ثم تشخلونهم

ثانيا:- تحطون الخلطه الاولى وهي عباره عن 3ملاعق حنة جسم +5 ملاعق صابون مغربي +ملعقتين عصير ليمون+ ماي الورد والخزامى اللي شخلناهم وتخلطونهم لما يصير عندكم مثل العجين وتحطونهم على جسمكم لمدة ربع ساعة في خيمة السونا او حمام مليئ بالبخار انتو وراحتكم ومن ثم تغسلون جسمكم من الخلطة وتبتدون تفركون جسمكم وراح تشوفون الجلد الميت شلون ينزل منكم

ثالثا:-تحطون الخلطه الثانية وهي عباره عن نص علبة الطين المغربي +ربع ملعقة صغيره العكر الفارسي وتصبون عليهم قلاصين من ماي الورد والخزامى اللي سويناهم من قبل يعني 4 قلاصات تقسمونهم قلاسين حق الخلطه الاولى وقلاصين حق الخلطه الثانية ومن ثم تحطونها على جسمكم ربع ساعه ومن ثم تغسلونها وتسنفرون جسمكم بسنفرة كاب ومن ثم تغسلون بصابونة الطاووس
ولما تتنشفون حطو على اجسامكم لوشن فيتامين سي

وهي الطريقة جدا سهلة ومع الاستمرار راح تلقون من البياض ويصير لون جسمكم واحد اعتمدوها في حماماتكم واي سؤال انا حاظره ومن عيوني

للمزيد من مواضيعي